← Бүх нийтлэл

HoReCaSoft Монгол Улсаа төлөөлөн “COMEUP 2026” олон улсын стартап фестивальд оролцоно

HoReCaSoft Монгол Улсаа төлөөлөн “COMEUP 2026” олон улсын стартап фестивальд оролцоно

Монголын технологийн салбарын төлөөлөл HoReCaSoft нь БНСУ-ын Сөүл хотноо зохион байгуулагдах “COMEUP 2026 – Global Startup Festival” олон улсын стартап фестивальд эх орноо төлөөлөн оролцох шилдэг гурван стартапын нэгээр шалгарлаа. Түүнчлэн нийт 26 төслийн өрсөлдөөнөөс нэгдүгээр байрт шалгарсан нь компанийн хувьд онцлох амжилт төдийгүй Монголын технологийн салбарын олон улсын тавцанд өрсөлдөх боломжийг харуулсан үйл явдал боллоо.

Олон улсын тавцанд өрсөлдөх Монгол инновац

2026 оны арванхоёрдугаар сарын 9–11-ний өдрүүдэд БНСУ-ын Сөүл хотын COEX үзэсгэлэнгийн төвд зохион байгуулагдах “COMEUP 2026” нь дэлхийн стартап экосистемийн төлөөлөл, технологийн компаниуд, хөрөнгө оруулагчид болон бизнесийн түншүүдийг нэг дор цуглуулах олон улсын арга хэмжээ юм.

Тус фестивалийн үеэр HoReCaSoft өөрийн инновацлаг технологи, бүтээгдэхүүн, шийдлүүдээ олон улсын зах зээлд танилцуулж, салбарын тэргүүлэгч байгууллагуудтай туршлага солилцох, стратегийн түншлэл тогтоох, бизнесийн шинэ боломжуудыг нээх зорилготой оролцоно.

Монголын зочлох үйлчилгээний салбарын хөгжилд оруулах хувь нэмэр

HoReCaSoft нь технологид суурилсан шийдлүүдээр дамжуулан зочид буудал, ресторан болон зочлох үйлчилгээний салбарын үйл ажиллагааг илүү ухаалаг, үр ашигтай болгохыг зорин ажиллаж байна.

Олон улсын энэхүү фестивальд оролцох нь зөвхөн компанийн хувьд гаргасан амжилт төдийгүй Монголын зочлох үйлчилгээний салбарын технологийн хөгжил, инновацын шийдлүүдийг дэлхийд таниулах чухал боломж юм.

Монголын технологийн инновацыг дэлхийн зах зээлд хүргэх, зочлох үйлчилгээний салбарын хөгжлийг олон улсын түвшинд ахиулах HoReCaSoft-ийн зорилго ийнхүү нэгэн шинэ шатанд гарч байна.

Бидэнд итгэл хүлээлгэсэн зохион байгуулагчид, үргэлж дэмжиж ирсэн харилцагчид, хамтран ажиллагч байгууллагууд болон нийт дэмжигч та бүхэндээ талархал илэрхийлье.

HoReCaSoft – Монголын инновацыг дэлхийд таниулна.